- Esti llunes, sacantes la esceición de la mariña, tuvimos otra xornada de calor n’Asturies con temperatures que volvieron algamar los 38 ºC concretamente nel conceyu de Tinéu. Munches poblaciones del interior volvieron superar los 35 ºC. Sicasí, la persistente nubosidá que s’enllancó na mariña torgó que nes poblaciones de la mariña algamen los 25 ºC cuidao que superaron los 20 ºC a dures penes.
- El martes van empezar a baxar les temperatures tamién nel interior. La nubosidá va tar presente na metá norte prácticamente mientres tol día, pero tamién va acabar estendiéndose al sur a lo llargo de la tarde. Ye por ello, polo que namá va tar activáu l’avisu mariellu por calor nel suroccidente asturianu. Nesti sector tamién va tar activáu l’avisu mariellu pola posibilidá de nubes. Hasta 5 o 6 ºC menos prevese que baxen les temperatures nel interior respectu al llunes.
- El miércoles va ser un día con cielos bien nublos o cubiertos en tol Principáu con precipitaciones xeneralizaes de calter débil que van ser más frecuentes pela mañana. Les temperatures van siguir baxando y van #facer hasta 8 ºC menos que’l martes nel interior y, especialmente, nel cordal. Poro, el miércoles va haber localidaes que nin siquiamente lleguen a los 20 ºC de máxima.
