- Fonte: La Razón /
Esta ye una de les meyores fiestes del branu asturianu y celébrase esta fin de selmana. Tou’l pueblu arréyase vistiéndose de blancu, con sombreros, perlles y hai conciertos y comida d’hermandá. La fiesta indiana en Bual, col so cartelu d’anguaño.
El branu ufierta bien de fiestes y actividaes, pero güei vamos afayar una fiesta distinta y que namora a quien participen nella. Ye una fiesta con un encantu especial y que se creó n’homenaxe a los oríxenes del propiu pueblu onde se celebra, falamos de la fiesta indiana «Vuelven los americanos» que va tener llugar en Bual esta fin de selmana.
Con bien d’esfuerzu vienen trabayando dende va años los sos organizadores, que tuvieron la brillosa idea d’homenaxar a toes esa xente qu’un día coyó la maleta dende esti pequeñu pueblín asturianu para buscase una vida meyor nel otru llau del mundu.
Pero non solo eso, l’esfuerzu de los qu’emigraron va más allá, yá que nunca s’escaecieron de los sos oríxenes nin de los sos pueblos, y gracies al dineru qu’ellos unviaben dende llugares como México, Cuba o Arxentina, ente otros, les sos families pudieron tener una vida meyor.
Los indianos financiaron escueles y llavaderos que fueron fundamentales pa una vida meyor en Bual. La escuela de les Graduaes, financiada por ellos, entá sigue en funcionamientu.
Villa Anita, la casa más fotografiada d’Asturies. Ver
La fiesta indiana ye una fin de selmana de celebración nel que tol pueblu vistise de blancu, al igual que la xente que vien de fora a celebrar esti día tan especial. L’ambiente indiano apodérase de Bual, que ye una de les villes indianes d’Asturies y que cunta con una amplia colección de casones indianes que nun pasen desapercibíes. Ente elles, destaca Villa Anita, una preciosa casona que destaca pola so arquitectura y pola guapura singular de los azulexos del esterior. Villa Anita ye una de les cases más fotografiaes y d’Asturies y non, non estraña.
Anguaño celébrase la octava edición y entamáronse delles actividaes pa la fin de selmana. Pero lo más importante ye que tol mundu ta convidáu a participar, que los sones cubanos anubren el pueblu, prepárense mojitos y piñes colaes, hai visites empuestes pol patrimoniu bualés indianu, conciertos, taller de baille, comida d’hermandá, amás d’esposiciones, talleres de bailles. Anguaño va inaugurase el mural de l’artista María del Roxo, que pintó n’homenaxe a la emigración.
