La vicepresidenta del Gobiernu del Principáu, Gimena Llamedo, participó güei na presentación de la 87.ª edición del Descensu Internacional del Sella, una de les grandes cites deportives, turístiques y culturales d’Asturies. El Sella ye un símbolu d’identidá colectiva y proyección internacional, que reflexa la esencia de la nuesa tierra: esfuerzu, naturaleza, cultura y comunidá.
Esta edición rinde homenaxe al @CNHelios, celebra’l legáu de Dionisio de la Güerta y presenta un cartelu obra d’Arcadi Moradell, ceador de la imaxe “Asturies Paraísu Natural”, que va ser nomáu Fíu Adoptivu d’Asturies. Les Arriondes, Ribesella y tol oriente asturianu prepárense para acoyer una nueva edición d’esta fiesta declarada d’Interés Turísticu Internacional.
