Cuasi 2 millones de persones en Xapón reciben órdenes d’evacuar énte’l riesgu de tsunami. Un terremotu de magnitú 8,8 frente a les costes del sur de la península rusa de Kamchatka desató esti miércoles alertes de tsunami en dellos países bañaos pol Océanu Pacíficu, ente ellos Xapón, los territorios americanos d’Hawái y Alaska, Canadá y en dellos países de Llatinoamérica.
El seismu rexistróse a les 8:25 hora local xaponesa (23:25 GMT del martes), informó l’Axencia Meteorolóxica de Xapón (JMA poles sos sigles n’ingles), qu’estimó una magnitú preliminar de 8 que revisó dempués a 8,7 y darréu a 8,8.
El Serviciu Xeológicu de los Estaos Xuníos (USGS poles sos sigles n’ingles) tamién detectó’l temblor. El so epicentru estimóse a unos 18,2 kilómetros de fondura sobre’l fondu marín.
