Asina fixo Melendi sonar l’himnu d’Asturies énte 4 millones d’almes (y tamién canta por Fernando Alonso). El cantante, cola camiseta de Cazorla y al pie de la Real Banda de Gaites «Ciudad d’Uviéu», abre en Sevilla «La velada del añu» d’Ibai Llano. #LaVeladaDelAñoV entamó con esti himnu de @Melendi 🔥 #melendi #laveladadelaño #ibai #elnano @Estadio la Cartuja @Ibai
L’himnu rexonal sonó énte les 70.000 persones nel estadiu y los casi 4 millones que siguíen la velada en Twitch y amás convirtióse n’unu de los momentos más comentaos por redes sociales, pola sorpresa que supunxo l’himnu d’Asturies nuna cita asina. Melendi xuntó uvieísmu y asturianía, yá que, al salir cola camiseta de Cazorla, la so actuación tamién foi un homenaxe al ascensu del Uviéu a Primer División.
Pero nun foi lo único que fixo Melendi, una y bones el cantante tamién interpretó El Nano, el cantar homenaxe a Fernando Alonso, el pilotu asturianu, bien conocida polos siguidores del pilotu. Melendi púsose a botar col final del cantar, siguiendo pol públicu y acompañáu por India Martinez y Saiko.
