Les arques autonómiques d’Asturies van recibir del Estáu anguaño un total de 3.754,26 millones d’euros n’entregues a cuenta, lo que representa una medría del 8,56% al respective de 2024. L’Estáu tien previsto abonar esti mes a les comunidaes autónomes 9.952 millones d’euros en conceutu d’atrasos de les entregues a cuenta de 2025, actualizaes por fin tres la convalidación esta selmana nel Congresu del real decretu llei qu’aprobó’l Gobiernu fai daqué más d’un mes.
Fuentes del Ministeriu de Facienda informaron a EFE de que la previsión ye qu’esos pagos, correspondientes a los meses de xineru a xunu, se dean a finales d’esti mes y que tamién s’abonará nesi plazu la lliquidación correspondiente a 2023, lo que va suponer en conxuntu más de 21.600 millones d’euros pa les arques de les autonomíes de réxime común -toes menos Navarra y País Vascu-. La Comunidá Valenciana, la que más meyora.
