- Where is Asturias/
Artículu completu en The Officer: 
https://theofficer.es/la-percepcion-del-turismo-en…/
Opinión WIA | Asturies y el turismu: un arguyu compartíu. Según el mediu The Officer, la percepción del turismu n’Asturies algamó un 7,1 sobro 10, asitiándose como la segunda comunidá meyor valorada d’España. Esti datu, más qu’una simple cifra, ye un reflexu de lo que sentimos dende va tiempu: Asturies namora. Non solo polos sos paisaxes o la so gastronomía, sinón pola so manera d’acoyer y de tratar al visitante como un asturianu más.
Nun mundu onde munches vegaes falase de «turistificación» en tonu negativu, Asturies llogra lo que pocos: caltener la so autenticidá ensin arrenunciar a crecer como destín. Nun lo dicimos solo nós. Dícenlo quienes vienen, esfruten… y repiten. Porque equí’l turismu nun ye solo xuna industria: ye una manera de compartir lo que somos.
Dende Where is Asturies llevamos años amosando esa otra cara del turismu: la que conecta al viaxeru col territoriu, cola so xente, cola so hestoria. Esti tipu de noticies anímennos a siguir faciéndolo con más ganes que nunca. De xacíu, hai aspeutos que tenemos de siguir ameyorando. Nun se trata de conformase, sinón d’aprender de los erros d’otros destinos y construyir un modelu turísticu que caltenga lo que fai única a Asturies: la so identidá, la so xente y el so equilibriu cola redolada. Asturies non solo gusta. Asturies vívese.
