- Premios Goya /Premios Goya/ El Comercio
- El cineasta Gonzalo Suárez recibirá’l Goya d’Honor 2026 en Barcelona. https://t.co/M92NQmPsaF
Gonzalo Suárez, Goya d’Honor 2026: «Gustaríame que m’ufiertaren una película más». A les sos casi 91 años, el cineasta asturianu manifiesta que-y emociona recibir la mayor reconocencia española nel mundu del cine a la trayectoria profesional, anque confiesa les sos ganes de volver rodar
Sesenta años de trayectoria profesional nel mundu del cine dan para enforma, pero non toos llogren ser una figura «clave na cultura española» de les postreres seis décades. Solo unos pocos consiguen que l’Academia del Cine catalogue’l so filmografía de «sorprendente» y tan solo un cineasta llogró esperimentar «con tolos xéneros y dende toles actitúes» d’una forma tan esitosa que-y valga’l Goya d’Honor 2026.
A solo un día de cumplir 91 años, l’asturianu Gonzalo Suárez foi reconocíu col máximu galardón español a la trayectoria nel mundu del cine, un premiu que va recibir en Barcelona’l próximu añu. L’uvieín espresó la so allegría por esti premiu, anque nun-y paez imprescindible» asistir a la gala para recoyelo. «Lo que sí me gustaría ye que m’ufiertaren, por casu, una película más», confesó a Televisión Española, onde cuntó que s’atopaba n’Asturies cuando conoció la noticia .
«Allégrame enforma esti premiu porque toma tola mio obra, anque siento añoranza de que nun me pille faciendo cine», dixo en declaraciones recoyíes per Europa Press. Y ye que al director, guionista, productor, escritor, periodista deportivu y actor gustaría-y volver a «dicir ‘acción’ y ‘corten’ porque’l cine ye acción», hai maifestado el polifacéticu cineasta, qu’en 1989 recibió’l Goya a Meyor Dirección por ‘Remando al vientu’.
«Sacantes dalguna esceición, nun volví ver les mios películes. Si volviera empezar, fadría lo mesmo: inventar el cine o tratar d’inventalo y acabaría, pos como lo fixi -rise-. Pa mi, el tiempu foi siempres la gran incógnita: ye un flax que ye la vida entera y tratar de prindalo, bien sía con xestos que depués queden, con momentos, o con lluz, ye un desafíu. Y esto ye lo que más me pruyir del cine y lo que más alcordanza de determinaes películes», almitió Suárez.
«Con tolos intérpretes llevéme bien. Y eso qu’he obstinado siempres y nun paré hasta nun llograr aquello que buscaba», declaró’l premiáu, qu’esti miércoles cumple 91 años.
Cine, lliteratura, imaxinación y fantasía. La Xunta Directiva de l’Academia decidió, por unanimidá, otorgar esti premiu honoríficu al veteranu cineasta asturianu por una trayectoria dende la que desenvolvió xuna filmografía sorprendente, na qu’esperimentó con tolos xéneros y dende toles actitúes, rodando cine esperimental, cine comercial y adaptaciones lliteraries propies y ayenes. Home clave na cultura española de los postreros sesenta años, ye, amás, un referente induldable d’intelixencia y sentíu del humor».
L’Academia del Cine destaca al ceador por llevar 60 años «simultaneando el cine y la lliteratura, y apostando pola imaxinación y la fantasía frente a la realidá y les formes narratives avezaes».
