🏛️ La investigación arqueolóxica financiada por Cultura n’El Chao Samartín revela claves nueves sobre la vida nel castru. La campaña nueva d’escavaciones nel xacimientu arqueolóxicu d’El Chao Samartín (Grandas de Salime) ta aportando claves inédites sobre la vida y la organización interna del castru, especialmente al traviés de la intervención nes cabañes 25 y 26, cerca de la domus. MUSÉU
Los trabayos, dirixíos polos arqueólogos Juan Muñiz y Diego Piay, tán revelando señales de reformes, destrucciones intencionales y cambeos constructivos que podríen abrir la puerta a hipótesis nueves sobre l’usu y evolución del pobláu.
Esta campaña cuenta col apoyu de la Conseyería de Cultura, Política Llingüística y Deporte, qu’aportó una inversión de 10.000 €, amás de la collaboración del Conceyu de Grandas de Salime. La visita del director xeneral de Patrimoniu Cultural, @pablo.leongasalla, reafirma l’apueste del Gobiernu asturianu pola investigación científica y la conservación del patrimoniu.
El Chao Samartín ye ún de los xacimientos más relevantes del occidente asturianu, y cada pasu na so escavación supón un pasu más nel conocimientu de la nuestra historia.
