El Principáu ganó ente abril y xunu 12.900 ocupaos. El paru baxó n’Asturies nel segundu trimestre en 2.600 persones al respective de los tres primeros meses del añu, lo que supón un retayu del 6 por cientu, colo que la cifra de paraos asítiase en 41.200, según la Encuesta de Población Activa (EPA) espublizada esti xueves pol Institutu Nacional d’Estadística (INE).
Amás, el Principáu ganó ente abril y xunu 12.900 ocupaos, un 3 por cientu más, la tercer meyora más intensa ente les comunidaes autónomes, lo qu’asitió’l númberu de trabayadores en 439.200. Pela so parte, la población activa (persones de 16 años o más que trabayen o busquen empléu) aumentó la comunidá en 10.300 persones, un 2,2 por cientu, hasta 480.300.
