Espérense grandes ratos de sol mientres el día. Ye posible qu‘amanezamos con nubes baxes en munchos puntos de la rexón (sobremanera de la metá norte), pero a partir del mediudía vamos reparar como estes nubes van dir desfaciendose de forma que’l sol va dir cobrando un mayor protagonismu. La tarde va ser asoleyada en prácticamente tol Principáu. Les nubes baxes van volver, eso sí, pela nueche. Los vientos van ser fluexos pudiendo predominar de norte-nordés. Les temperatures máximes van xubir llixeramente nel interior y van caltenese ensin cambeos na mariña. Les mínimes apenes van variar salvu nel interior central y oriental onde podríen baxar un poco.
El domingu preve estabilidá anque un aumentu de nubes a lo llargo de la segunda parte del día. Les temperatures van ser bien similares y los vientos volverán ser fluexos y predominando de norte-nordés. El llunes nun se refuguen dellos orbayos de mano la selmana.
