Vamos empezar la selmana con un día marcáu pola nubosidá. Los cielos van tar cubiertos con, a lo sumo, delles escamplaes escontra’l suroccidente. Estes nubes van dexar precipitaciones débiles mientres el día que van ser más frecuentes escontra l’oriente asturianu. Los vientos van predominar de norte-nordeste fluexos polo xeneral. Les temperatures máximes van caltenese ensin cambeos na mariña y prelitoral pero va baxar nel restu, siendo’l descensu más significativu cuanto más movamos escontra’l cordal onde van baxar hasta 4 ºC respectu al domingu. Les mínimes, sicasí, van xubir de forma xeneralizada en tola rexón ente 2 y 3 ºC.
El martes vamos amanecer tamién con nube baxes pero, conforme vaiga trescurriendo la xornada, van abrise claros pudiendo quedar los cielos estenos en munchos puntos d’Asturies. Comoquier, nun se refuga dalgún orbayu a primeres hores, especialmente nel oriente. Les temperatures, el martes, van ser prácticamente un calcu a les del llunes. Namá, podríen xubir un pocu nel cordal central.
El miércoles vamos tener intervalos nublos con más claros mientres les hores centrales del día.
