Esperamos empecipiar la xornada con poca nubosidá sacantes dellos intervalos de nubes baxes na mariña. A lo llargo del día vamos reparar como claramente van dir aumentando les nubes dende’l norte, estendiéndose escontra l’interior hasta acabar cubriendo tol cielu asturianu. A partir de la tarde, nun se refuga que puedan escapase dellos orbayos poco importantes que, anque van ser más frecuentes na mariña, podríen tamién acabar afectando a puntos d’interior. Los vientos van ser fluexos predominando de norte-nordeste con dalguna qu’otra racha moderada. Les temperatures máximes nun van variar respectu al xueves y les mínimes van baxar llixeramente na metá norte.
El sábadu vamos amanecer con nubes baxes pero, a partir del mediudía, van abrise grandes claros pudiendo quedar la tarde estena. Asina tou, nun se refuga que vuelva apaecer nubosidá a la fin.
El domingu prevese bon tiempu con un claru protagonismu del sol y un ascensu de les temperatures.
A más llargu plazu, ye bien probable que los termómetros tiendan a l’alza con díes bien calorosos nel ecuador de la selmana.
