Esperamos más nubosidad escontra la mariña y zones de la metá norte asturiana. Sicasí, nel cordal y otros puntos de la metá sur asturiana los cielos van tar más soleyeros pela mañana. A lo llargo de la tarde, les nubes acabarán estendiéndose por tola rexón. La probabilidá de precipitaciones va ser bien baxa, pero nun se refuga que pueda chispiar por momentos na mariña y zones próximes. Les temperatures máximes van ser prácticamente idéntiques a les del martes, sía que non podría producise dalgún descensu bien llixeru nel interior central del Principáu. Les mínimes tamién van ser un calcu a les d’esti martes, anque nun se refuga dalgún descensu tamién bien llixeru nel interior oriental. Los vientos van predominar de norte-nordés fluexos con delles raches moderaes.
El xueves preven nubes de primeres y a la fin del día, con apertura de grandes claros nes hores centrales del día. Les temperatures, tanto nel casu de les máximes como nel de les mínimes, apenes van variar.
El vienres vamos tener tiempu estable de primeres, pero la nubosidad va dir n’aumentu y espérense agües débiles pela nueche.
