- Alborecemos col cielu cubiertu por estratos y orpinando, tando escampláu nes cumes más altes de la cordelera con unes temperatures que tan alrodiu de los 18ºC, rexistrándose nel puirtu Payares 11,8ºC.
- Güei vamos tener el día tapecíu por nubes baxes que mos dexarán precipitaciones xeneralizaes pero febles en xeneral en forma d’orpín con unes temperatures en descensu con másimes que malpenes algamarán los 20ºC. L’aire sedrá del norte-nordés con dalguna racha moderada.
- Mañana xueves vamos seguir col cielu mui nuboso pero sin malpenes precipitaciones, sicasí a últimes hores nubes de desendolque procedentes de la meseta puen dexar dalgún xarabatu de calter tormentosu. Les temperatures camudarán poco o subirán mui llixeramente.
- El vienres paez que veremos dalgo’l sol y subirán les temperatures y el sábadu y domingu tendremos nubes ya claros ya temperatures afayaices.
