- María Dolores Bueno y Paula Fernández, nueves directores xenerales y Francisco José Díaz, secretariu xeneral.
El Conseyu de Gobiernu aprobó esti xueves el nomamientu de María Dolores Bueno como directora xeneral d’Innovación Educativa y Ordenación, y de Paula Fernández como directora de Centros y Rede 0-3, dientro d’una restructuración de la Conseyería d’Educación impulsada pola nueva titular, Eva Ledo, coles mires d’avanzar nel cumplimientu del pactu ‘Asturies Educa’. A les nueves directores xenerales, que sustituyen respectivamente a David Artime y Cristina Blanco, súmase’l nomamientu d’un nuevu secretariu xeneral: Francisco José Díaz Ortiz, en sustitución de Begoña Fernández.
Ye una reorganización de la conseyería empobinada a impulsar el cumplimientu del pactu ‘Asturies Educa’, robláu colos sindicatos la selmana pasada, informó’l Principáu nun comunicáu.
