TPA /
El pieslle d’una escuela fai tomar conciencia sobre la regulación al restu de centros del conceyu. El pieslle d’una escuela de surf qu’operaba ensin llicencia en Castrillón fai tomar conciencia al restu d’escueles de la importancia de que se controle’l bon facer de los centros que dan esta actividá, según la federación que les axunta. Consideren que ye la meyor forma de dar seguridá a les families y alumnáu y afitar esti deporte nel conceyu.
Les escueles de surf de Castrillón quieren qu’esta actividá seya un atractivu turísticu. P’algamalo consideren imprescindible que toles escueles qu’ufierten clases y agospiu tean llegalmente afitaes. D’esta forma, dicen, evítase competencia deslleal ente elles y dase seguridá al alumnáu y les families.
Amás, quieren desestabilizar el surf y convertilu nuna actividá qu’atraiga visitantes tol añu. El conceyu cunta con siete escueles, que cada branu reciben una media de 500 alumnos y alumnes caldía. El compromisu del ayuntamientu de facer una meyor promoción d’estos centros, al traviés de la web y les redes municipales, ye un bon pasu.
Castrillón collabora na creación d’una marca de calidá del surf, qu’amuese’l respetu col mediu ambiente y l’apuesta pola innovación. Trabaya xunto los cinco conceyos que formen la Rede de Pueblos del Surf, bañaos pol Cantábricu.
