Última xornada d’Una Señora Fiesta en Vegarrionda (Piloña)

Romería indie-ástur a la vera del río. Miles de persones esfruten en Vegarrionda (Piloña) de la última xornada d’Una Señora Fiesta. Nun hai nada como l’agua del Ríu La Marea para enfrescar la sidra, los pinreles y lo que se tercie cuando’l sol apierta en La Bilortera. Una romería indie-ástur ensin música amplificada entamada por voluntarios y voluntarios de La Benéfica cola ayuda del Conceyu de Piloña. Sidra, empanada, tortiella, panderetes, mandilones de cuadros y pañuelos a la cabeza dan una idea del calter de la folixa. Semeyes El Comercio

Yera la de güei la tercer xornada d’anguaño, que treslladó a Infiestu los conciertos para dexar alendar a Vegarrionda, qu’acoyó un Filandón como primer actu, un alcuentru íntimu de palabres, cantar y tradición al calor del llagar que tuvo llugar nel prau de Maribel. La xornada musical foi’l sábadu nel edificiu de La Benéfica. Mientres el cuerpu aguante, la fiesta sigue.