Un festival desnudu»: l’arte efímero de «Porrúa en boles» vuelve faese visible unos díes para nun dexar (casi) rastru dempués. Una esposición fotográfica inaugura’l sábadu la quinta edición del festival d’intervenciones artístiques en boles de silu. Fonte: LNE
Nada queda, cada añu, de les quince boles de silu interveníes por artistes na localidá llanisca de Porrúa. Verdaderu festival d’arte efímero, el «Porrúa en boles» llega esta selmana a la so quinta edición y va facelo precisamente cola inauguración d’una esposición fotográfica que recupera parte de los sesenta obres que se producieron a lo llargo de les últimes cites.
Temporalidá efímera
Comisariada por Luis Feás, la esposición ye una forma de recuperar lo que la mesma condición del festival escuende. Porque la cita, espliquen dende la organización, «afala una de les dimensiones característiques del arte contemporaneo, la so temporalidá, efímera». Amás, otru de los valores del alcuentru, nun pretende dexar buelga, y esa desapaición tamién apurre un enfoque respetuosu col mediu ambiente.
Porrúa en Boles convida a un paséu pola localidá llanisca
al traviés del arte más rural / J.Quince
«Al cabu d’unes selmanes, o a lo sumo unos meses, nun queden yá borrafes, sacantes los reteníos pola memoria nuna actividá que tien como principales y más asidues espectadores a les vaques», cunten en «Porrúa en boles». Pero sí queda toa esa documentación gráfica qu’agora va poder vese na Salona del Llacín.
La inaugración, el sábadu
La inauguración de l’amuesa va ser el sábadu 5 de xunetu a les 12 hores. Con ella da entamu’l festival y xusto dempués va presentase «Una bola con hestoria», iniciativa conxunta cola marca Puru Remangu, yá dientro del Llaciniegu, la romería del Llacín, que se celebra ese mesma fin de selmana.
Un festival desnudu
Promovida pola Asociación Cultural Llacín y empobinada pola pintora y ilustradora Nieves González, «Porrúa en boles» (del 10 al 13 de xunetu) ye un festival desnudu de pretensiones forzaes y con un barafuste decididamente lúdicu y festivu, nel que l’arte adopta la so aguada más popular y accesible». Esta característica, espliquen los responsables de l’actividá, les diferencia d’otres iniciatives asemeyaes, desenvueltes dientro del ámbitu rural y fora de los espacios artísticos convencionales.
Esencia rural y ganadera
En Porrúa, una quincena d’artistes intervien cada añu nes boles de silu partíes por esta localidá del conceyu de Llanes, qu’inda caltien vivu la so esencia rural y ganadera. «Ye un festival de pueblu que güel a pueblu, al formientu frescu de la yerba recién ensilada». Pero tamién participen, amás de los artistes, neños y mayores, como asocede con programar «Guah.es y boles» y «Xenti y boles», que busca promover la participación infantil y l’actividá interxeneracional
