Una nueva buelga de terópodo y restos de tueros fósiles sumanse al patrimoniu del MUJA, que yá supera les 5.500 pieces.
L’equipu científicu del Muséu del Xurásicu d’Asturies (MUJA) recuperó un bloque con una buelga tridáctila d’un dinosauriu terópodo nos cantiles d’Oles (Villaviciosa). Mientres la estracción apaeció, amás, una nueva buelga de dinosauriu qu’agora va ser oxetu d’investigación. El Comercio /
La buelga, con unu llargor averáu de 60 centímetros, correspuende col pie esquierdu d’un dinosauriu terópodo de gran tamañu y con unos deos relativamente llargos, estrechos y terminaos en garres, según esplicó’l MUJA en nota de prensa. El llargor de la buelga úsase para calcular l’altor hasta’l cadril, que nesti casu sería de 2,3 metros.
La icnita tridáctila, de 60 centímetros de llargor, correspuende al pie esquierdu d’un animal prehistóricu de gran tamañu. El
bloque fósil treslladóse al muséu nun helicópteru de la Guardia Civil por cuenta del so pesu y la dificultá d’accesu a la zona.
L’equipu científicu del Muséu del Xurásicu d’Asturies (MUJA) recuperó un bloque con una buelga tridáctila d’un dinosauro terópodo nos cantiles d’Oles (Villaviciosa). Na maniobra, que foi posible gracies al sofitu aéreu d’un helicópteru de la Guardia Civil, participó’l director xeneral de Patrimoniu Cultural, Pablo León.
José Carlos García-Ramos y Laura Piñuela, dos de los investigadores del muséu, que depende de la Conseyería de Cultura, Política Llingüística y Deporte, lideraron esta operación na mariña maliayesa. La buelga, con unu llargor averáu de 60 centímetros, corresponder col pie esquierdu d’un dinosauro terópodo de gran tamañu y con unos deos relativamente llargos, estrechos y terminaos en garres. El llargor de la buelga úsase para calcular l’altor hasta’l cadril, que nesti casu sería de 2,3 metros.
El bloque estrayíu tien un pesu considerable, polo que foi necesaria la collaboración de la Delegación del Gobiernu n’Asturies, al traviés de la Guardia Civil, para’l so treslláu al MUJA. Una vegada nel muséu, el fósil va ser estudiáu ya inventariáu y va pasar a formar parte de la colección, que yá supera les 5.500 amueses.
.jpg)
Esta icnita vien de un estratu d’arenisca que pertenez a la conocida como Formación Llastres, d’orixe deltaico, y alcontrada nos cantiles d’Oles. Esta zona apurrió gran cantidá de buelgues de dinosaurios nos últimos años. Concretamente, recuperáronse nesta redolada otres dos icnitas de tamañu bien similar que podríen formar parte del rastru d’un mesmu dinosauriu. Para confirmar esti estremu, habría qu’analizar les característiques de caúna d’elles y de los estratos nos que se toparon.
Amás de la buelga treslladada güei recuperáronse fragmentos de tueros con envueltes microbianes. Estos afayos sumanse al de los cantiles de Ribesella, onde l’equipu científicu del MUJA, cola collaboración d’investigadores internacionales y el sofitu del Serviciu d’Emerxencies del Principáu (Sepa), recuperó un bloque fósil de gran tamañu que contenía delles vértebres de la cola d’un dinosauriu de grandes dimensiones. Esa operación tamién riquió d’un helicópteru para’l treslláu del material.
Estes nueves investigaciones, xuntu col restu de llínees de trabayu desenvueltes pol MUJA, consoliden el papel d’Asturies como referente na paleontoloxía europea.
.jpg)
