«Afita’l to camín d’una estrella
y vas poder salear
al traviés de cualquier nube».

Leonardo Da Vinci.

Cada añu, por estes feches, esperamos con ilusión la llegada de les Perseides rellumando nel cielu, esa agua d’estrelles fugaces tamién llamaes Llárimes de San Llorienzo. Esta nueche va ser la meyor ocasión para poder veles porque l’actividá de l’agua algama’l so mayor momentu d’intensidá.