LNE /
Asturies, la comunidá autónoma que más porcentaxe d’alumnos d’Infantil perdió na última década. L’economista Ismael Sanz ve una «oportunidá» na cayida d’estudiantes, mayor na alcordada que na pública, para «ameyorar l’aprendizaxe».
Asturies ta a la cabeza n’España de les comunidaes que más alumnos perdieron nel segundu ciclu d’Educación Infantil (3 a 5 años) na última década, con una cayida del 31,4%. Daqué que nun sospriende yá que nes estadístiques de sangría poblacional y avieyamientu siempres figura tamién nos primeros puestos. Pero llueñe de vese como un datu negativu, en cuestiones educatives ye una oportunidá.
