Una raza que se cría para siguir recuperando y calteniendo la pureza de la especie. Asturies cunta, na actualidá, con 2.500 exemplares d’asturcones. Una raza que se cría para siguir recuperando y calteniendo la pureza de la especie y non pola so rentabilidá, afirmen los sos criadores.
El concursu morfolóxicu d’asturcones del Certame de Ganaos de San Agustín axuntó a 17 ganaderíes. L’oxetivu ye sopesar la morfoloxía d’estos equinos.
Desque nos años 80 empezaren a recuperar la especie, pasáronse de 40 a 2.500 exemplares, na actualidá. El preciu por un asturcón bazcuya ente los 700 y 2.500 euros. Una especie que foi cobrando relevancia a midida que poténciase la so recuperación.
