La temperatura máximo va superar los 30 graos en dellos conceyos de la franxa sur del Principáu, pero nun se van algamar na mariña. Asturies ye esti xueves, 7 d’agostu, la única comunidá autónoma d’España na que nun hai nengún avisu activos por fenómenos meteorolóxicos adversos. Nin siquier poles altes temperatures de la fola de calor qu’afecta a casi tol país, una situación pola que l’Axencia Estatal de Meteoroloxía (Aemet) emitió un avisu especial por aciu el qu’alvierte del riesgu de temperatures que van superar los 40 graos a partir de güei y, siquier, hasta’l martes. www.aemet.es / #INFOPA
Nesi escenariu, Asturies ye una isla climática. Va faer calor, sí. Ello ye que les temperatures máximes van xubir de forma xeneralizada. Sicasí, el mercuriu nun va algamar los valores que s’anuncien para otros puntos d’España, especialmente na franxa mariniega.
Toa España ta n’alerta por temperatures menos… Asturies (magar los 32 graos de máxima previstos para güei). La fola de calor va caltener los termómetros na rexón percima de los 30 mañana y el sábadu, y va raspiar los 40 el domingu. Sanidá caltien
l’avisu naranxa na zona del Cordal y los Picos, qu’afecta a dieciséis conceyos.
Bañistas na sablera de San Llorienzo de Xixón
Toles comunidaes d’España tán n’alerta por temperatures menos una. Y ye… Asturies, que se reafita una vegada más como abelugu climáticu. Magar que l’Axencia Estatal de Meteoroloxía (Aemet) preve para güei máximes de 32 graos nel Suroccidente, l’organismu nun activó nengún avisu para’l Principáu. Pela contra, el mapa nacional ta llenu d’alertes naranxes y marielles por temperatures d’hasta 40 graos. Los avisos meteorolóxicos lleguen nel Norte a Galicia, Cantabria y el País Vascu.
Tol país tiñíu de naranxa y colloráu
Güei, según datos de l’Aemet, los termómetros volverán superar los 40 graos en gran parte del país y va rexistrase inclusive una xubida adicional de les temperatures, hasta los 42 graos, nel centru y nel sur peninsular según en munchos puntos de la metá norte. En nivel naranxa (riesgu importante) tán Andalucía, Aragón, Castiella y Llión, Castiella-La Mancha, Estremadura, Galicia, Madrid y Canaries. El nivel mariellu, qu’afecta tamién a grandes árees d’estes mesmes comunidaes, anubre Baleares, Cantabria, Cataluña, Murcia, Navarra, País Vascu, La Rioxa y la Comunidad Valenciana.
La fola de calor nel Principáu. N’Asturies, l’Axencia Estatal de Meteoroloxía preve máximes para esti xueves de 32 graos en Cangas, 29 en Llangréu, 28 n’Uviéu y 26 en Xixón y Llanes. Ye enforma calor, sí, pero muncho menos qu’el que ta faciendo nel restu d’España. Para mañana y el sábadu espérense unes temperatures similares, ente que para’l domingu’l mercuriu va xubir hasta barganal de los 40 graos. La fola de calor podría siguir la próxima selmana.
Alerta sanitario. El Ministeriu de Sanidá, que remana un sistema d’alertes distinta al de l’Aemet, sí que tien en nivel naranxa al Principáu, en concretu a la parte del Cordal y los Picos d’Europa, qu’apigura a un total de dieciséis conceyos. Ayeri esta área y la del Suroccidente tuvieron en nivel coloráu, que ye la máxima alerta posible. Esto ye asina porque Sanidá entiende qu’hai un «un calor estremu que perxudica seriamente la salú».
