Mediu Rural concede 673.000 euros a les confreríes que xestionen planes d’esplotación de perceba, pulpu, angula y ocla. El BOPA publica güei el resolvimientu de la convocatoria, que busca favorecer el desenvolvimientu d’una actividá pesquera responsable y ambientalmente sostenible.
La Conseyería de Mediu Rural y Política Agraria concedió 673.427 euros n’ayudes a 19 confreríes de pescadores que xestionen planes d’esplotación de perceba, pulpu y angula.
El resolvimientu de la convocatoria, cofinanciada pola Unión Europea al traviés del Fondu Européu Marítimu y de la Pesca (Fempa), publícase güei nel Boletín Oficial (Bopa) y puede consultase nel siguiente enllaz: https://tinyurl.com/2txd724u
Los planes d’esplotación son la ferramienta fundamental pal desenvolvimientu d’una actividá pesquera responsable, porque garanticen la sostenibilidá de los recursos marinos y la viabilidá del sector al llargu plazu. Al traviés d’esti preséu, acútase’l númberu de participantes, de la que se regulen y controlen les especies
Amás, la convocatoria d’anguaño amonta los sos fondos más del 5% al respective de 2024, col fin de sofitar la puesta en marcha de nuevos planes d’esplotación.
