Esperamos abondo meyor tiempu de lo que se prevía. La mañana va ser asoleyada prácticamente en tol Principáu d’Asturies. A lo llargo de la tarde vamos reparar como van apaecer nubes medies y altes dende’l cordal que se van dir moviendo en dirección norte. La probabilidá de precipitaciones va ser bien baxa pero nun se refuga que pueda escapase dalgún bastiu nel sur de la rexón mientres la tarde. Los vientos van ser fluexos polo xeneral con dalguna racha moderada, sía que non, na mariña. Les temperatures máximes van xubir un par de graos a lo sumo nel sector oriental y van caltenese ensin grandes cambeos nel restu respecto al sábadu. Les mínimes sí que van xubir de forma daqué más xeneralizada anque, igualmente, nel oriente dichu ascensu va ser más significativu.
El llunes vamos amanecer con nubes baxes na metá norte asturiana pero, a partir del mediudía, estes nubes van sumir para dar pasu a una segunda parte del día asoleyada. Les temperatures máximes nel casu de mañana van ser bien similares, ente que les mínimes van ser un poco más altes.
