Educación va reforzar la orientación en FP el próximu cursu pa un meyor axuste al mercáu llaboral.
La implantación del nuevu modelu de Formación Profesional va rematar el próximu cursu cola incorporación del segundu cursu de tolos ciclos del nuevu modelu dual, que contempla práctiques d’ente 500 y 700 hores pal alumnáu.
Una de les principales novedaes d’esti sistema ye que les estancies formatives n’empreses o organismos equiparaos empiecen yá dende’l primer cursu nes sos dos modalidaes: la xeneral, con un total de 500 hores ente 1º y 2º cursu, y la intensiva, con 700 hores nesi mesmu periodu, informa la Conseyería d’Educación.
Asina, l’alumnáu va facer 120 hores más nel réxime xeneral y 320 más nel intensivu que col anterior modelu n’empreses que puen recibir una compensación pa financiar estes contrataciones, al traviés de convocatories del Serviciu Públicu d’Empléu del Principáu (Sepepa).
