La «velutina del mar» yá invade la mariña asturiana: nestes sableres detectóse de forma abondosa». El Comercio El biólogu José Manuel Rico Ordás alvierte que l’alga asiática ye una especie exótica «comenenciosa» que crez bien rápido moviendo a les comunidaes natives. Esplica que se solicitó una ayuda a la Unión Internacional del Caltenimientu de la Naturaleza para llevar a cabu un proyectu piloto d’eliminación.
El branu pasáu abarruntábase que l’alga asiática Rugulopterix okamurae podía tar analayando pola mariña asturianu dempués de qu’apaecieren exemplares d’esta especie exótica na ría d’Arousa y científicos gallegos abarruntaren que tamién podía tar n’Aldán y Ferrol. Con éses, nos últimos meses detectóse a la conocida como «velutina del mar» na mariña asturiana, en concretu, en dos sableres de Xixón y, amás, de forma abondosa».
José Manuel Rico Ordás, decanu de la Facultá de Bioloxía de la Universidá d’Uviéu, esplica que les primeres presencies de l’alga asiática entamó a detectase na primavera d’anguaño, confirmándose más palantre que «la especie yá ta instalada en delles zones de la mariña de Xixón», nes sableres d’El Rinconín y El Arbeyal, col consiguiente riesgu que tien para l’ecosistema local la so instalación y rápida espansión. «De normal toles especies exótiques que se converten n’invasores son especies que nós llamamos comenencioses, esto ye, que tienen una serie de traces que-yos dexen crecer bien rápido, ocupar bien rápido l’espaciu, ser bien bones competidores al respective de otres especies y con eso lo que faen ye mover a les comunidaes natives», desenvuelve’l mesmu.
L’espertu señala que «lo más probable» ye que la Rugulopterix okamurae, que ta incluyida nel catálogu español d’especies exótiques invasores, llegara a la mariña d’Asturies xuntada al cascu de los barcos, especialmente n’embarcaciones de recréu, polos percorríos de saléu que realicen y por un caltenimientu deficiente» del cascu de les mesmes: «Cuando nun faes un bon caltenimientu, la parte somorguiada del cascu del barcu ye como un xardín», tresllada’l biólogu, qu’añede que ye según «fragmentos o propágulos d’esta especie pueden esprendese y esvalixase en distintes zones». Por tanto, señala que «una embarcación que permaneza equí unos díes puede dexar pedacitos de l’alga o propágulos que, si tán en fase reproductora, pueden dar llugar a nuevos individuos», precisa.
Según Ordás, la presencia yá rescampla en delles zones de la mariña de Xixón: «N’El Rincónín hai alga asiática seguru y tamién la hai na sablera del Arbeyal», indica para, de siguío, treslladar que «la espansión nestes zones esmolez, una y bones la especie puede alteriar los ecosistemes locales».
Evaluación para una retirada efizaz
Para tratar d’actuar sobro esta especie exótica invasora, el decanu comenta que yá se ta trabayando en collaboración cola autoridá portuaria de Xixón y el Centru d’Esperimentación Pesquera. «Pidimos ayuda a la Unión Internacional pal Caltenimientu de la Naturaleza (UICN), que concede ayudes puntuales pa combatir especies invasores. Tamos a la espera del resolvimientu pa poner en marcha un proyectu piloto d’erradicación», avanza. La idea ye «esaniciar la especie nuna superficie concreta y evaluar si esa acción ayuda a controlar la so dispersión».
Asina, espera recibir respuesta de la UICN nes próximes selmanes por que pueda empezar a trabayar na so eliminación: «Nós queremos evaluar en qué momentu ye más eficaz esa retirada manual pa evitar que vuelva instalase», espón l’espertu, que matiza que la retirada «puede ser efectiva si realizase nel momentu fayadizu». Y ye que, anque hai estudios sobro’l so comportamientu reproductor, l’espertu alvierte que «hai que ver la bioloxía que tien equí con unes condiciones ambientales distintes de les qu’esperimenta, por casu, nel sur de la Península Ibérica, con agües más calides… Entós, hai ver a ver cuál ye’l momentu ideal pa faer esa retirada de manera que sía lo más eficaz posible». *Contrapone que «arrincar l’alga na so fase fértil pue ser contraproducente, porque fragmentos con propágulos pueden quedar llexando y facilitar la dispersión». Por ello, incide en que la evaluación del momentu aparente pa la retirada ye fundamental.
A partir d’entós, envalora Ordás que s’empecipiaría un periodu de siguimientu d’ente 3 y 6 meses, tiempu mientres el cual reparase si vuelve crecer o si la dispersión sigue», esplica. Nesti sentíu, parte de que la esperiencia indica que «los intentos d’erradicación en zones yá colonizaes suelen ser poco efectivos» porque «cuando xuna especie yá ta instalada, controlala ye bien difícil», afirma’l biólogu.
» frameborder=»0″ allow=»accelerometer; autoplay; clipboard-write; encrypted-media; gyroscope; picture-in-picture; web-share» referrerpolicy=»strict-origin-when-cross-origin» allowfullscreen /iframe]
