La falta d’impulsu obliga a los mozos a buscar trabayu n’otres comunidaes. L‘Asociación d’Empreses del Videoxuegu d’Asturies ta paralizada. La decena de compañíes del sector denuncien la falta de financiamientu del Principáu que va trés años anunció la creación d’un HUB del videoxuegu que finalmente non se llevó a cabu. TPA
Mozos asturianos aseguren qu’esta falta d’impulsu obligólos a buscar trabayu n’otres comunidaes. Daniel Guerra ye un mozu xixonés que se treslladó va un añu a Galicia para siguir la so carrera profesional nel sector del videoxuegu, tres nun atopar trabayu n’Asturies.
La industria del gaming xenera más ingresos que’l cine y la música xuntos. L’añu pasáu facturó 1.447 millones d’euros solu nel nuesu país, pero anguaño sufre una crisis de despidos ensin precedentes, tantu a nivel global como nacional. Para Daniel, les claves para un texíu empresarial sólidu n’Asturies son la creación d’una comunidá sólida. Cree que si non se sofita la industria local, la pantalla de ‘Game Over’ va siguir apaeciendo para quien quieran quedase n’Asturies.
http://www.uneva.org/web/wp-content/uploads/2017/01/UNEVA_logo.png
