- Piden que s’amplíe de los 3 d’anguaño a los 6 años y más profesionales pal serviciu.
L’Asociación polos derechos de persones con autismu insiste na necesidá d’ampliar l’atención temprana qu’ufierten los servicios públicos hasta los seis años, como n’otres comunidaes autónomes. Anguaño dase hasta los tres o cuando’l menor entama’l cursu escolar. L’asociación participó na Feria de Muestres nuna charra sobre detección prematura. Tamién pide más profesionales pa esi serviciu.
Na conferencia destacóse la importancia del papel de la familia na detección prematura de testornos del neurodesendolcu, como’l del déficit d’atención y hiperactividá o’l del espectru autista asegura César Luis Sanz de la Garza, psiquiatra infantil y de l’adolescencia.
Y por supuestu profesionales como los pediatres. Una vegada que se cunta con un diagnósticu habrá que planificar qué tipu de terapies se necesiten.
Ye importante, espliquen, qu’eses intervenciones tengan una continuidá, que seyan les que se necesiten en cada etapa apunta María Muñiz, psicóloga de la clínica Inypema.
La infancia, recuerden, ye una etapa crucial.
