El día qu’anochó pela tarde: los satélites de la NASA amuesen el fumu cubriendo Asturies. Les quemes desamarraes nel sur de la rexón tán cubriendo col so fumu’l centru de la rexón, onde en dellos llugares «llueve ceniza». LNE
Les quemes que se tán produciendo al sur de la rexón, tantu nel Oriente como nel Suroccidente, cubrieron el cielu d’Asturies. Esti sábadu’l cielu escurecióse y los vientos de componente sur que ta complicando los llabores d’estinción abasnaron los restos de les quemes sobremanera’l centru de la rexón, como puede reparase nes imaxes tomaes polos satélites de la NASA. En delles zones más próximes a los fueos «llovía ceniza».
Imaxe captada por un satélite qu’amuesa l’horror de les quemes.
A media tarde d’esti sábadu, 14 quemes forestales tán afarando’l monte asturianu: seis activos (Cangas, Somiedu, Casu, Ponga, Cabrales, Piloña), siete que tán controlaos (dos en Cangas del Narca, dos en Coaña, unu en Castrilón, unu n’Ayande y otru en Cangues d’Onís), y unu estabilizáu (Vilanova d’Ozcos).
