Sonia Bermúdez, nueva seleccionadora femenina de Fútbol.

Sonia Bermúdez sustitúi a Montse Tomé como seleccionadora femenina. La xunta directiva de la FEF prescinde de l’asturiana y vuelve mirar a casa para escoyer a la entrenadora vallecana, doble campeona continental cola sub-19 y hasta agora al mandu de la sub-23.

“Un tándem para un nuevu modelu”, asina anunciaba la Real Federación Española de Fútbol (RFEF) el nomamientu de Sonia Bermúdez como seleccionadora nacional y d’Iraia Iturregi como la so segunda. D’esta forma, y a pesar d’incluyir l’axetivu nuevu” acompañando al sustantivu “modelu”, la RFEF volvía primar la llínea continuista frente a una rupturista. Porque Sonia Bermúdez ye daquién de la casa.

Sonia Bermúdez: seria, disciplinada, de poques palabres y, sobremanera, de la casa. La nueva seleccionadora va tener como segunda a Iraia Iturregi, n’una decisión continuista de la federación.

La Real Federación Española de Fútbol (RFEF) oficializó esti llunes, a les 14.52, lo que se convirtiera nun secretu a voces y lo qu’EL PAÍS adelantró unes hores antes: Montse Tomé dexaba de ser la entrenadora de la selección española femenina de fútbol.

Montse Tomé, que llegó al cargu en siendo segunda de Jorge Vilda, dexa tras casi dos años al mandu de les campeones del mundu. Nel aspeutu deportivu, despidise con una Nations League y un subcampeonato d’Europa, y col pesar de los Xuegos Olímpicos, de los que se foi ensin medaya, en perdiendo contra Alemaña na llucha pol bronce.

Más allá de los terrenes de xuegu, tocó-y trepar cola xestión del casu Luis Rubiales, la difícil situación de Jenni Hermoso —a la qu’acabó dexando fora de la Eurocopa— o vivir el cónclave d’Oliva, una de les nueches más importantes na hestoria del fútbol español.

Tomé publicó un mensaxe de despidida y agradecimientu nes sos redes sociales. “Arguyosa y estimosa de formar parte d’esti equipu, que consiguió grandes llogros para’l fútbol español. Gracies a les persones que confiaron en mi, al cuerpu técnicu col que pudi trabayar mientres estos dos años, y a tou un staff que me fixo sentir que les victories teníen que venir porque lo merecíamos. Gracies al escelente grupu de futbolistes coles que crecí a nivel profesional, pol so enorme talentu y avanzar nos momentos bonos y menos bonos. Voi feliz y en paz. Ciérrase una etapa y dende agora tola mio enerxía ya ilusión tán puestes nel futuru, qu’empieza güei”, cerró la yá exseleccionadora.