- Isa Lobo tá con Sara Gladys Pérez Priede
El mundu de la Cultura al pie de la FAVO (Federación d’Asociaciones de Vecinos d’Uviéu) rinden homenaxe al gran actor José Antonio Lobato esti sábadu, 13 de setiembre, a les 20.00 hores con una gala nel teatru Filarmónica. Na Gala “Voz, actor” collabora la Fundación Municipal de Cultura del Conceyu d’Uviéu, que quier sumase a l’alcordanza del actor que punxo’l so nome al teatru del barriu de Pumarín.
L’homenaxe celébrase cuando se cumplen cinco años del fallecimientu d’unu de los mayores esponentes asturianos de la interpretación, que destacó non solo pola so faer nes tables, la televisión o’l cine, sinón pol so potentísima voz na radio y el doblaxe, y el so compromisu social.
Bastante ye que, Lobato lluchó contra les inxusticies emprestándose a trabayar coldu a coldu con aquellos que defendíen una causa xusta.
La gala, d’entrada llibre hasta completar aforu, va ufiertar al públicu artes escéniques, música y dalguna qu’otra sorpresa. Destaca l’actuación, ente otros, de Xuacu Amieva, Héctor Braga, Fran Delgado con Álvaro Bárcena, Toli Morilla o David Varela baxu la batuta de Sonia Ablanedo como presentadora.
L’actor asturianu José Antonio Lobato, fundador de la compañía teatral Margen, finó esta madrugada n’Uviéu a los 64 años tres una llarga enfermedá, según confirmaron fontes del grupu teatral con más de cuarenta años d’hestoria.
Lobato desenvolvió principalmente la so carrera nos teatros d’Asturies y del restu d’España, anque tamién participó en delles series de televisión como ‘El Ministerio del Tiempo’, na qu’encarnó’l papel d’Armando Leiva, un personaxe del sieglu XIX.
L’actor uvieín, como unu de los responsables del grupu Margen, recoyó en 2018 la Medaya de Plata de la ciudá d’Uviéu y en 2019 el llabor de la compañía teatral foi reconocíu col Premiu OH! d’Honor que da l’Asociación de Compañíes Profesionales de Teatru y Danza d’Asturies (Acpta) y Foroescena.
