El Principáu va dexar la estracción de llobos a cazadores de les reserves nes que crecieren los daños al ganáu. Mediu Rural solicita la collaboración de los guarda de los cotos p’actuar conxuntamente colos axentes del Mediu Natural nos controles. Vídeu de Félix Rodríguez de la Fuente / Actualidá
La Conseyería de Mediu Rural y Política Agraria autorizó, como métodu de control complementariu, que los cazadores de les reserves rexonales nes que se detectara un mayor númberu de daños nel ganáu doméstico puedan disparar al llobu nes caceríes programaes pa prindar otres especies.
L’oxetivu d’esta midida, recoyida nel plan de xestión del llobu, ye aumentar la eficacia de les estracciones. Con esti fin, va empezar a aplicase en caceríes d’aquelles reserves nes qu’aumentaren los ataques al ganáu, según una actualización de datos realizada ente xineru y agostu d’anguaño.
Per otru llau, y n’una primera fase, la conseyería pidió a los cotos rexonales de caza más afectaos polos daños la participación de la so guardería nos controles, p’actuar conxuntamente colos axentes del Mediu Natural del Principáu.
Mediu Rural autorizó la estracción d’un máximu de 53 llobos sobro una población mínima envalorada de 345 exemplares n’Asturies. El datu ta recoyíu nel programa añal de control previstu nel Plan de Xestión del Llobu, que se retomó tres la salida d’esti animal del Llistáu d’Especies Monteses en Réxime d’Especial Protección (Lespre).
Daños producidos pol llobu n’Asturies nel añu 2015. LNE
La supervivencia del llobu ye bien malo de defender si tenemos en cuenta los intereses de llabradores, ganaderos y cazadores y la ferocidá de que fai gala’l llobu nos sos ataques, pos mata mas ganáu del que precisa para comer. Suel atacar al ganáu bobino, caballar, perros, corzos, venaos, perros, etc…De siguío coméntense dalgunes de los sos fechoríes.
