El movimientu vecinal uvieín y el mundu de la cultura van homenaxar esti sábadu a José Antonio Lobato, actor. FAVO entama una gala nel Teatru Filarmónica con motivu del quintu aniversariu del fallecimientu del actor carbayón. Nortes
Artistes y vecinos van homenaxar el próximu sábadu nel Teatru Filarmónica al actor uvieín José Antonio Lobato, cofundador del grupu de teatru Marxe. L’actu, entamáu pola Federación d’Asociaciones de Vecinos d’Uviéu, va cuntar cola participación de Xuacu Amieva, Héctor Braga, Fran Delgado con Álvaro Bárcena, Toli Morilla y David Varela so la batuta de Sonia Ablanedo como presentadora, y va tener llugar a les 20h. Dende la FAVO quieren rindir homenaxe non solo al actor, sinón tamién al ciudadanu comprometíu cola so sociedá que foi José Antonio Lobato, de que la so muerte cumplir agora cinco años. Lobato lluchó contra les inxusticies emprestándose a trabayar coldu a coldu con aquellos que defendíen una causa xusta.
