Esperamos una xornada estable en tol Principáu. Pela mañana, a lo sumo, vamos ver el cielu atapecíu con nubes de tipu altu pero ensin posibilidá dalguna de precipitaciones. A lo sumo, mientres les primeres hores del día podría ser un pocu más compacta la nubosidad tantu nel estremu más occidental como nel cordal. Pero mientres la segunda parte del día, van abrise grandes claros hasta quedar los cielos prácticamente estenaos en toa Asturies. Los vientos van soplar de suroeste nel occidente asturianu con probables raches localmente fuertes, y de componente oeste moderaos nel restu de la rexón. Les temperatures máximes van xubir ente 4 y 5 ºC en tol interior, y hasta 3 ºC más na zona norte de la Comunidá Autónoma. Les mínimes, pela so parte, apenes van esperimentar cambeos importantes. Namá podría producise dalgún ascensu bien local y llixeru nel terciu oeste.
El miércoles prevense grandes claros pela mañana pero con un enclín a aumentar les nubes pela tarde. Nun se refuga dalgún bastiu vespertín nel cordal. Les temperatures van ser similares o, llixeramente, un pocu más altes que les del martes.
