Esperamos una xornada estable en tola rexón. Vamos amanecer con dellos intervalos de nubes que rápido van sumir. A partir del mediudía vamos tar falando dafechu de cielos estenos en tol Principáu y asina se va caltener tola tarde. Los vientos van ser fluexos mientres les primeres hores de la mañana pero, conforme trescurra la mesma, van soplar de componente este con raches moderaes ya inclusive relativamente daqué más fuertes na mariña. Les temperatures van xubir al respective de esti xueves.
El sábadu va ser posiblemente’l día más templáu de la selmana. Los cielos van siguir poco nublos con, a lo sumo, dellos intervalos de nubes altes insignificantes, siendo nula la probabilidá de precipitaciones. Los vientos esperarense de componente sur con raches moderaes, ensin refugase fuertes n’altes zones de monte, anque na mariña y prelitoral los vientos van ser fluexos pudiendo entrar de componente norte. Poro, gracies a esos vientos de sur, les temperatures volverán xubir mañana superándose los 25 ºC fácilmente en munches poblaciones del interior y ensin refugase la posibilidá d’algamar los 30 ºC nel suroccidente.
