Esperamos una xornada na que los cielos van tar bien nublos con precipitaciones de calter débil que podríen faer actu de presencia en cualquier momentu. Ciertu ye que, a midida que meyora la tarde, la probabilidá va ser menor y, inclusive, nun se refuga que pueda abrise dalgún claru dende l’occidente (sobremanera a la fin del día). Los vientos van soplar con cierta fuerza de suroeste-oeste. Concretamente, na mariña y nel sector occidental podríen algamar los 70 km/h. Nel restu del interior les raches podríen llegar a rexistrar los 50 km/h. Les temperatures máximes van xubir 1 o 2 ºC a lo sumo respectu al martes. Les mínimes van xubir de forma xeneralizada y notable cuidao que podríen llegar a anotase unes temperatures mínimes 6 o 7 ºC más altes que güei.
El xueves preve estabilidá pela mañana con un mayor protagonismu del sol, pero mientres la tarde les nubes van dir n’aumentu hasta cubrir tol cielu asturianu. Estes nubes, amás, van dexar precipitaciones que se van estender pol Principáu. Les temperatures van baxar llixeramente salvo na mariña onde, podríen esperimentar un pequenu ascensu.
