Esperamos empezar el día con cielos nublos pero con enclín a abrise claros mientres les hores centrales del día. Pero, a lo llargo de la tarde, la nubosidá va dir claramente n’aumentu hasta quedar los cielos cubiertos, anque podríen llibrase d’estes nubes el terciu más occidental. La probabilidá de precipitaciones va ser baxa mientres el día pero cuanto más movamos escontra l’oriente la posibilidá d’orbayos va ser daqué más alta. Los vientos van predominar de componente oeste fluexos, pudiendo afitase de noroeste col intre del día. Les temperatures máximes van caltenese nel sector occidental, van baxar llixeramente nel central y de forma daqué más significativa nel oriente. Les mínimes, pela so parte, van baxar namá nel oeste asturianu ente que se van caltener nel restu.
Para’l sábadu y el domingu prevese xunas condiciones meteorolóxiques marcaes pol sol y, amás, nel casu concretu del domingu, pol ascensu de les temperatures cuidao que se van superar los 25 ºC en munches poblaciones asturianes, y nun se refuga que puedan averase a los 30 ºC nes zones más templaes del interior.
