Van ameyorar les condiciones meteorolóxiques claramente. Anque nun se refuga dalguna nube a primer hora de la mañana, de forma bien rápida estes nubes de tipu baxu van sumir por completu dando mayor protagonismu al sol con, a lo sumo, delles nubes de tipu altu a lo llargo del día que, sía que non, dexaríen el cielu atapecíu. La probabilidá de precipitaciones va ser dafechu nula. Los vientos van soplar de componente esti moderaos na mariña ente que van ser fluexos nel interior. Tocantes a les temperatures máximes, van xubir hasta 2 o 3 ºC na mariña, hasta 5 ºC nel interior central oriental , y hasta 7 o 8 ºC nel interior occidental. Les temperatures mínimes, sicasí, van baxar de forma xeneralizada ente 2 y 4 ºC al respective de les anotaes el llunes.
El miércoles va ser un día soleyeru en tol Principáu con unes temperatures que van xubir 2 o 3 ºC más que les del martes. Y, por si fora poco, el xueves vamos siguir teniendo sol y volverán xubir un pocu más les temperatures.
A priori, el xueves va ser el día más templáu de la selmana con máximes percima de los 30 ºC. Bon tiempu tamién pal vienres pero, de cara a la fin de selmana, van volver les nubes, les agües y van baxar les temperatures.
