Mientres estos próximos díes vamos tar so l’acción de les altes presiones. Esti miércoles prevense intervalos de nubes altes pela mañana a lo sumo y cielos más llimpios, especialmente, a partir de les hores centrales de la xornada. A lo llargo de la tarde podríen aumentar les nubes nel cordal y nel interior oriental namá. La probabilidá de precipitaciones va ser nula dafechu mientres tol día. Los vientos van ser fluexos con raches moderaes de componente este na mariña. Les temperatures máximes van caltener ensin cambeos al respective de les del martes. Les mínimes podríen baxar llixeramente.
El xueves esperamos cielos soleyeros mientres tola xornada. Los vientos van siguir predominando d’este na mariña y van ser más variables nel interior. Les temperatures máximes van xubir un par de graos de forma xeneralizada y les mínimes nun van esperimentar cambeos.
Bon tiempu tamién para’l vienres acompañáu d’un ascensu de les temperatures nuevamente.
Para la fin de selmana entá hai bastante incertidume cuidao que xuna umbada atlántica va afectanos pero entá nun ta determinada la so posición esacta, siendo bien distinta l’impactu que puede tener si entra poles mariñes portugueses al respective de qu’ente directamente pel norte del mar Cantábricu.
