Al marxe de la envernada que ta sufriendo’l llevante peninsular onde esti llunes hubo poblaciones que superaron los 300 llitros per metro cuadráu mientres el día, la previsión del tiempu n’Asturies para esti martes agora nel Principáu unes condiciones meteorolóxiques muncho más estables. Anque vamos poder amanecer con delles nubes principalmente nel norte de la rexón, los cielos van tender a estenase prácticamente por completu. A lo llargo de la tarde nueche nun se refuga que pueda volver apaecer daqué de nubosidá, preferentemente escontra l’oriente y mariña, pero los cielos volverán llimpiase de nubes na madrugada. Los vientos van soplar de componente esti fluexos nel interior y moderaos na mariña. Les temperatures máximes van xubir llixeramente salvo na mariña oriental y proximidaes onde se van caltener ensin cambeos. Les mínimes van baxar na mayor parte d’Asturies y van facelo especialmente nel centru de la rexón.
El miércoles, al igual que’l xueves y el vienres, esperamos cielos soleyeros con a lo sumo dellos intervalos de nubes altes que, sía que non, dexaríen el cielu atapecíu por momentos. Les temperatures van tender a l’alza siendo’l xueves y el vienres los díes más prestosos con rexistros que podríen superar los 25 ºC.
El sábadu va entrar un frente fríu que va consiguir baxar les temperatures, amás de dexar abondosa nubosidá y precipitaciones.
