- Alborecemos con intervalos nubosos entemecios ente tímidos claros o abancios con unes temperatures que tan alrodiu de los 17ºC, rexistrándose nel puirtu Payares 10,1ºC.
- Güei va dir n’aumentu la nubosidá de tipu mediu-baxu y mos va dexar el día nuble cola posibilidá de que caiga dalgo d’orpín a partir del mediudía. Les temperatures másimes en bultable descensu, malpenes algamarán los 19-20ºC, unos 10ºC menos qu’ayeri. L’aire sedrá de componente norte sele en xeneral.
- El descensu de temperatures de güei va ser transitoriu, a partir de mañana martes vuelven a subir ya volveremos a pasar calor, paez que’l branu meteorolóxicu nun quier despedise tovía. Nel cielu tendremos dalguna nube alta que malpenes velará al sol.
- Miércoles, xueves ya vienres vamos tener un tiempu braniegu con escasa nubosidá, sicasí peles nueches y al alborecer surdirá nubosidá estratificada na fastera central asturiana, faciendo que nun refresque cola caiga del sol, amás les temperatures másimes van seguir subiendo hasta algamar los 30ºC en zones del interior asturianu, dalgo más contenies na costa por mor de les brises marines.
- Paez que’l riscar del sábadu pue llover dalgo y refrescar pero esto yá lu diremos viendo.
