- Alborecemos col cielu cubiertu y lloviendo ya con unes temperatures que tan alrodiu de los 15ºC, rexistrándose nel puirtu Payares 9,2ºC.
- Güei vamos tener el cielu mui nuboso a primeres hores que mos va dexar precipitaciones febles en xeneral, pa dir disminuyendo les nubes a lu llargu’l día y quedar el cielu con intervalos nubosos entemecios ente dellos claros. L’aire sedrá gallegu y pue soplar con raches fuertes en zones altes y nel llitoral. Les temperatures asina y too subirán llixeramente.
- Mañana xueves seguiremos col cielu nuboso, sobre too nes hores centrales del día, cuando nun se descartén delles precipitaciones febles o que caiga dalguna gotera, yá pela tarde puen abrise dellos claros o abancios ente les nubes. Les temperatures esti día descenderán llixeramente y l’aire seguirá siendo gallegu con dalguna racha fuerte en zones altes ya en puntos del llitoral.
- El vienres va quedanos el cielu con intervalos de nubes y dalgunos claros o abancios con unes temperatures que van camudar poco ya col aire que tenderá amenorgar y rolar a componente norte.
