- Alborecemos col cielu escampláu y delles nublines no fonderu los valles con unes temperatures que tan alrodiu de los 7ºC, rexistrándose nel puirtu Payares 3,9ºC.
- Güei vamos tener el cielu poco nuboso o escampláu, totalmente llimpiu que mos va dexar un ambiente mui prestosu, sicasí nel llitoral l’aire nordés pue llegar a ser cafiante y facer baxar la sensación térmica.
- Mañana vienres tará poco nuboso pela mañana , aumentando les nubes de tarde pero que malpenes velarán el sol. Les temperatures n’ascensu, tantu les mínimes como les másimes y l’aire del nordés tenderá amenorgar na costa.
- El sábadu va tar más nubosu, casi cubiertu, asina y too veremos el sol y l’ambiente seguirá siendo afayaizu con unes temperatures que camudarán poco o baxarán les másimes llixeramente.
- El domingu hai posibilidaes de que caiga dalguna gotera durante’l riscar pero pel día simplemente tará nuboso con dalgún claru o abanciu con unes temperatures que van caltenese sin cambios ya col aire que seguirrá predominando’l nordés con dalguna racha moderada nel llitoral.
