El próximu xueves ta prevista la inauguración de les instalaciones de Sea Eight. El próximu xueves ta previsto que s’inaugure oficialmente la planta d’engorde de llinguaos de la compañía Sea Eight n’El Musel. Unes instalaciones onde s’aplica tecnoloxía piquera n’acuicultura sostenible. Lleva seis meses funcionando, emplega a 20 persones y el so oxetivu ye siguir creciendo p’allugar el ciclu completu de cría na factoría xixonesa.
Los tanques d’engorde tán a un terciu de la so capacidá, pero en marzu de 2026, cuando se cumpla un añu de funcionamientu, prevén algamar les 450 tonelaes de llinguáu. El plan de Sea Eight, dirixida pol asturianu Jaime León, ye llevantar n’El Musel una megaplanta de producción integral: dende la reproducción de los güevos hasta l’envasáu, como se fai nes otres tres factoríes del grupu allugaes en Portugal y Galicia. Un tipu d’acuicultura que se desenvuelve en tierra.
Un sistema automatizáu al que tán incorporando intelixencia artificial y investigación en meyora xenética.
Sea Eight ye unu de los tres productores mundiales de llinguáu. La mayoría de les sos ventes son n’Europa, mercáu que quieren liderar. El 10% de los llinguaos envasaos de Mercadona vienen d’estes piscifactoríes.
Pel momentu invirtiéronse 13 millones d’euros, 3,6 procedentes de fondos europeos.
Llinguáu: wiki /
