La desconocida sablera d’Asturies con sable blancu y dos orielles que solo se puede visitar cola marea baxa. De mal accesu, lo más senciello ye llegar a ella al traviés de l’agua, dende la sablera de San Martín. 20 minutos /LNE
Na mariña asturiana nun hai dos sableres iguales. Dende’l turísticu arenal de San Llorienzo, en Xixón, a la propuesta más surfera, en Salinas, pasando por territorios virxes como la sablera del Silenciu (Cuideiru). Hai para tolos gustos. Ente les diverses opciones, una ayalga escondida: la sablera de la Almenada, un arenal con dos veres que desagua nuna isla.
Ye una sablera asitiada nel conceyu de Llanes, allugada nel ancón que forma’l ríu Vallina al desaguar nel mar. Tien 80 metros de llargu y 20 d’anchu, un pequenu espaciu virxe y desconocíu pol so difícil accesu.
Un territoriu escondíu «Un tómbolo de tierra conforma esta sablera distinta, preciosa y bien complicada de describir», espliquen dende la páxina de turismu del Principáu d’Asturies. La sablera naz al pie d’un cantil y dos llingües d’agua llámbenlo les bandes. L’arenal termina n’una isla; la isla de Almenada o de Póo.
Aportar a la sablera ye complicáu. Tien un accesu difícil y lo más senciello, dicen dende turismu, ye llegar a ella al traviés de l’agua, dende la sablera de San Martín. Ye importante tener en cuenta que solo se puede aportar con marea baxa porque l’arena queda somorguiáu na agua con marea alta. Ye por ello que tenemos de controlar el cambéu de marea y evitar permanecer ellí cuando esta empieza a xubir.
La sablera d’Almenada. El conceyu de Llanes atesora nel so territoriu una capital con unu de los cascos históricos meyor calteníos de toa Asturies, pintoresques aldegues, valles y montes con una fauna y flora bien variada y más de trenta sableres, ente la que s’atopa la d’Almenada, mui cerca de la parroquia de Póo y dientro del Paisaxe Protexíu de la Mariña Oriental.
.jpg){kind=link}