El cantautor asturianu Víctor Manuel va ser investíu Doctor Honoris Causa de la Universidá d’Uviéu. El nomamientu reconoz trayectories d’escelencia nos ámbitos de la investigación científica, el compromisu social y cultural y la creación artística.
La institución académica investirá tamién con esti títulu a la microbióloga Emmanuelle Charpentier, investigadora del institutu Max Planck de Berlín, a la profesora Doris Sommer, una de les intelectuales más influyentes nel ámbitu de les humanidaes aplicaes, y al empresariu asturmexicanu Carlos Casanueva.
- Wiki / web / IG / discografía /
Víctor Manuel San José Sánchez (Mieres, 7 de xunetu de 1947), más conocíu a cencielles como Víctor Manuel, ye un cantautor, productor musical, productor de cine y director cinematográficu español, consideráu al pie de la so esposa, l’actriz y cantante Ana Belén, unu de los artistes más representativos de la transición española a la democracia.
Los sos cantares, que pretenden ser poemes musicalizaos, falen comúnmente de la vida rural, la llibertá, l’amor y la xusticia, enfusándose d’esta miente nel xéneru del cantar protesta o la trova surdíes nos años 60-70.
En 2022, foi galardonáu cola Medaya d’Oru al Méritu nes Belles Artes qu’otorga’l Ministeriu de Cultura d’España.
