Suañaba’l fotógrafu con un llugar máxicu onde poder dar rienda suelta a los sos suaños fotográficos. El «Pedreru», esi llugar míticu, selvaxe, cerbunu, tranquil, llenu de vida y de pasión, onde la contemplación de les inquietes limícoles va brindanos unes xornaes emocionantes ya irrepetibles.
L’oral del mar na nuesa cara, el golor de les algues nel baxamar, el contactu del nuesu cuerpu cola fría y húmedu sable; tollo forma parte de la so redolada. Siéntese, güelse, esfrútase y, sobremanera apriéndese a valorar lo afortunaos que somos cuando formamos parte de la guapura que nos arrodia.
Nota: Les imaxes que s’amuesen nun tán feches con IA, son frutu de munches hores d’observación, planificación del trabayu y d’enforma reptar. Sony A1, sony 200-600 OSS G. Chorlito Gris-Pluvialis squatorola.
