Dempués de más de dos años d’enfrentamientos, Donald Trump interpunxo mientres la mañana d’esti llunes el fin de la guerra ente Israel y Palestina.
Hamás apurrió a la Cruz Roja Internacional a los últimos venti rehenes israelinos con vida, secuestraos dende l’ataque del 7 d’ochobre de 2023. El fechu marcó l’entamu del altu al fueu definitivo y la firma d’un alcuerdu de paz históricu, mediáu per Estaos Xuníos, Exiptu, Qatar y Arabia Saudita. A cambéu, Israel lliberó abargana de 2.000 prisioneros palestinos, ente ellos 250 condergaos per terrorismu.
El pactu forma parte del plan impulsáu pol presidente estadounidense, quien viaxó a Jerusalén pa participar na recepción de los rehenes y pronunciar un discursu énte la Knéset.
“Güei termina una yera de terror y empieza una nueva yera de fe y esperanza en Mediu Oriente”, declaró Trump énte’l Parlamentu israelín.
